Отырар ауданы Шәуілдір ауылында болған оқыс жағдайға қатысты бүгін полицейлер мәлімдеді.
«Тергеп-тексеру барысында Шәуілдір ауылындағы бір балабақшаның алдында автокөлік қағып кеткені туралы анықталды. Қазіргі таңда бұл жәйт бойынша ҚР ҚК 345 бабының 2-ші бөлігі бойынша қылмыстық іс қозғалып, тергеп тексеру амалдары жүргізілуде. Аталған жәйт бойынша сараптамалар тағайындалды. «Опель» маркалы автокөлік айыптұраққа қойылды. Қазіргі таңда сотқа дейінгі тергеу амалдары жүргізілуде. Оқиғаның толық мән-жайы анықталуда», — деді Отырар аудандық полиция бөлімінің бастығы Ермек Өсербаев.
Elitar.kz тілшілері бұған дейін 12-сәуір күні болған жайдай туралы жазды. Оқыс жағдай Шәуілдір ауылындағы «Болашақ» балабақшасының тәрбиеленушілерін тасымалдайтын жеңіл автокөліктің қатысуымен болған.
1,5 жасар Хан есімді науқас қазір ауруханада. Оның жамбас сүйегіне операция жасалған. Анасының айтуынша, екі күннен бері ұлының ыстығы көтеріліп, ұйқысы қашқан.
Еске салайық, сәбидің анасы Ажар Пернебек сол күні таңертең балабақшаға шығарып салған ұлының кенеттен ауыр жараланған көріп, бір сұмдықты жасырып отырғанын сезген. Алайда, балабақшадағылар да, аудандық Адами әлеуетті дамыту бөлімінің басшысы да «Хан тәрбиешісіне жүгіріп бара жатқанда аяғы тасқа сүрініп құлап қалды» деген жауап айтқан-тын.
