Оқиға Түркістан облысы, Ордабасы ауданында болған. Жергілікті тұрғын өзі басқарып отырған жайылымдық жердегі асыл тұқымды қойларын бақташыға сеніп тапсырған. Алайда мал санын түгендеу үшін жайылым жерге барғанында күдік туғызатынын жайтқа куә болған. Осыдан кейін ол аудандық полиция бөліміне арызданыпты.
«Аталған жайтты полиция қызметкерлері ҚР ҚК-нің 189-бабы «Сеніп тапсырылған бөтен мүлікті иемденіп алу немесе талан-таражға салу» бойынша тіркеуге алды. Күдікті ретінде қой бағып жүрген малшы ұсталды. Жәбірленушіге 16 млн 380 мың теңге көлемінде шығын келген. Қойшы қамауға алынды. Сотқа дейінгі тергеу амалдары жүргізілуде»,-делінген обылстық Полиция департаменті берген мәліметте.
Ұсталған күдікті Арыс ауданының тұрғыны екен. Жауап алу кезінде белгілі болғаны, ол 2021 жылдан бері 230-дан астам ұсақ малды иесіне байқатпастан төрт-бесеуден сатып, ақшасын жаратып жіберген.
