493
Оқыс жағдай бүгін Қазығұрт ауданының орталығында болды. Төтеншеліктерге тереңдігі 4 метрлік дәретхана шұңқырына 2021 жылғы туылған бала құлап кеткені туралы баланың ата-анасы хабарласқан. Кішкентай сәбиді мамандар арнайы аранның көмегімен шығарып алып, жедел жәрдем қызметкерлеріне табыстады.
«1 жас екі айлық баланың қазіргі жағдайы жақсы. Дәрігерлердің тексеруінен соң ол үйіне жіберілген. Кішкентай сәби ол шұңқырда нақты қанша уақыт болғаны белгісіз, баласының жылаған дауысын алғаш ата-анасы естіген. Бірден көмек шақыртқан. Шұңқырдың беті бетондалғанына қарамастан мамандар уақыт жоғалтпай тез шығарып алды», — деді Түркістан облысы ТЖД баспасөз хатшысы.
