302
Тараздық полицейлерге 35 жастағы тұрғын арызданған. Ол өз шағымында танысы қаланың шағынаудандарының бірінен пәтер сатып алуға көмектесемін деген сылтаумен сеніміне кіргенін көрсеткен. Осылайша оның 2 млн теңгесін алдап алған екен. Алайда жаңа үй әпермеген, не алған ақшасын да қайтармаған.
Жүргізілген жедел-іздестіру іс-шаралары барысында күдікті ұсталған. Ол Жамбыл облысының 35 жастағы тұрғыны болып шықты.
«Аталған дерекке қатысты Қылмыстық кодекстің 190-бабы 1-бөлігімен (Алаяқтық)сотқа дейінгі тергеу амалдары басталды. Күдікті кінәсін толық мойындады» деп атап өтті Жамбыл облыстық Полиция департаментіндегілер.
Айта кетейік, ағымдағы жылдың 9 айында облыста 600-ден астам алаяқтық фактісі тіркелген. Оның 165-і интернет арқылы жасалған.
