Турникке тоқтаусыз 25 рет рет тартылған оқушы қыз көпті таң қалдырды. Оның видеосы кезекті сайыс кезінде түсірілген. Ақерке есімді жасөспірімнің күш-қуатына қайран қалғандар өте көп болды. Айналасын қоршаған жарыс көрермендері оған барынша қолдау көрсетті. Бұл сәттің видеосы әлеуметтік желіде жарияланды.
Турникке тартылған қызды көрген желі қолданушылары да оның білегінің мықтылығына тәнті болды.
«Жарайсың», «Тамаша», «Тіл-көзден сақтасын», «Міне, батыр қыз», «Алдағы күндеріңе сәттілік. Тек жеңісті сәттерің көп болсын», «Керемет», «Менің ұлым бір рет қана турникке тартыла алады. Мына қыз кәдімгі батыр екен», «Қазақтың қыздары мықты», «Жарайсың, қарындасым» деп жазды желі қолданушылары.
Пікір жазғандардың бірі бұл Хромтауда өткен «»Tartyl fest» фестивалінде болған жағдай екенін алға тартқан.
