390
Жетісу облысының орталығы Талдықорғанда екі ер кісінің жанжалы төбелеспен аяқталды. Соңында 46 жастағы ер кісі ауыр халде ауруханаға түсті.
Оқиға екі күні бұрын саяжайлардың бірінде болған. Дәрігерлердің айтуынша, жәбірленушінің 15 қабырғасы сынып, басқа да дене жарақаттарын алған.
Мән-жайды полицейлер анықтады. Облыстық Полиция департаментінің мәліметінше, жәбірленуші 27 жастағы танысынан 40 мың теңгеге жуық қарыз ақша алған екен. Кезекті кездесуде ерлердің арасында жанжал басталып, соңы төбелеске ұласқан.
Күдікті ұсталды. Денсаулыққа қасақана ауыр зиян келтіру дерегі бойынша қылмыстық тергеу басталды. Тергеу кезінде ұсталған адамға «келуге міндетті» процессуалдық мәжбүрлеу шарасы қолданылды.
