Әлеуметтік желілерде ерекше бата берген ер кісінің видеосы пайда болды. Онда электрик маманы дастархан басында ұлымен бірге отырып, бата береді. Дастархан үстінде арнайы әзірленген ерекше торт қойылған.
Ер кісі өз әріптестерін мерекемен құттықтап, ақ батасын береді.
«Е Құдайым оңдасын, «нарядсыз» жұмыс болмасын, «УВН» мен «перчатка», болсын сенің жолдасың. Тексеріңдер кернеуді, ойлау керек өлмеуді, Столбаға шығарда тексеріп ал белбеуді»,-дейді ер кісі.
Мұнан соң бата беруші босқа жатпай, техникалық қауіпсіздік шараларын жаттап алуға кеңес береді. Сонымен қатар ол жұмысқа кірісерде арнайы бас киімді ұмытпау керектігін, бастысы, жұмыстан үйге аман қайтуды ойлау қажеттігін алға тартады.
Видеоны көрген желі қолданушылары жұмысына байланысты бата берген ер азаматқа риза болды.
