Қонаев даңғылы мен Рысқұлов көшесінің қиылысындағы жол айрығы ресми түрде пайдалануға берілді, деп хабарлайды Elitar.kz.
Іс-шараға Шымкент қаласының әкімі Мұрат Әйтенов қатысып, жерасты өткелін жеке тексеріп шықты. Кейбір қателіктер бойынша ескерту беріп, жұмысты тағы бір пысықтап шықты.
Мамандардың айтуынша, бұл жерде жерасты өтпе жолы қарастырылмаған. Құрылыс жұмыстары қарқынды жүргізіліп жатқан уақытта ойға келді. Сондықтан кеш бастадық жұмысты. Бұл мегаполистегі ең ірі жобалардың бірі екені нақыт айтқым келеді. Тағы да мерекемен құттықтаймын!»- деді Мұрат Әйтенов
Қалалық жолаушылар көлігі және автомобиль жолдары басқармасы өкілдерінің айтуынша, қаланың бас жоспарына сәйкес жүргізіліп жатқан жол құрылысы 2020 жылдың қазан айында басталған. Бұл жолды салудағы басты мақсат, кептелісті азайту. Айта кету керек, 2021 жылдың соңында көлік қозғалысын реттеу үшін, яғни, кептелісті болдырмау мақсатында уақытша ашылған болатын.
2019 жылығы зерттеу нәтижелері бойынша Қонаев даңғылы мен Рысқұлов көшесінің қиылысы көліктерді өткізу қабілеті тәулігіне 27 775 автокөлікті құрады, ал бүгінде бұл көрсеткіш тәулігіне 66 мың автокөлікке жуықтап отыр.
