Қарағандыда өткен аукционда 1993 жылы шығарылған төл теңгеміз сатылымға қойылды. Аукционда Тәуелсіздік алған соң алғаш рет айналымға шыққан купюраларға қызығушылық танытқандар көп. Коллекционар Илья Алексеевич сақтаған 20 теңгелік ақшаның бастапқы бағасы өз құны ретінде көрсетілген. Аукционға жиналғандардың бірі купюраны 5 мың теңгеге сатып алуға дайын екенін айтады. Кейін баға 10 мың теңгеге дейін көтерілді. Осы сәтте коллекционерлердің бірі 20 теңгені 15 мыңға сатып алады. Түскен ақша айналымнан шыққан ақшаны жинаған коллекционердің жұбайына табысталды. Бұл сәттің видеосын ТікТок қолданушысы парақшасында бөлісті.
Видеоны көргендердің көбі өздерінде де ескі ақша сақталғанын, оны қайда өткізуге болатынын сұрап, жарыса жазды. Енді бірі ақшаны ақшаға сатып алу дұрыс еместігін алға тартты.
«Менің ата-анамның да үйінде осындай ескі ақшалар бар», «Жап-жаңа бір теңгені сатамын», «Менде Совет кезіндегі тиындар бар», «50 тиын қанша тұрады?», «Мұндайды сатуға болатынын білгенде үйдегі коллекциямды қоқысқа тастамас едім», «Мен де өзімнің жинағанымды сатқым келеді», «Менде жап-жаңа ескі 3 теңге бар. Оны қаншаға бағалауға болады?», «Ақшаны ақша сатып алу – күнә» деп жазды желі қолданушылары.
