Шымкентте 54 жастағы ер кісі үй ұрысының құрбаны болды. Жәбірленушінің айтуынша, түнгі сағат 00:10 шамасында белгісіз адам үйіне терезе арқыл кіріп, шкаф сөресінде тұрған жалпы құны 1 миллион теңге тұратын алтын әшекей бұйымдары мен 80 мың теңгелік «AirPods» маркалы құлаққабын ұрлап кеткен. Келтірілген жалпы шығын көлемі 1 миллион 80 мың теңгені құрап отыр.
«Аталған жайт бойынша ҚК-тің 188-бабы (Ұрлық) бабымен сотқа дейінгі тергеп-тексеру бойынша тіркеуге алынды. Жедел-іздестіру жұмыстары нәтижесінде жергілікті жердің 28 жастағы тұрғыны күдікті ретінде анықталды. Ол бір тәулік ішінде қала аумағында қолға түсті. Қазіргі кезде оның басқа да қылмыстарға қатысы бар-жоқтығы тексерілуде»,-деді қалалық Полиция департаментіндегілер.
Тәртіп сақшылары оқиғаның мән-жайын анықтап жатыр.
