Атырау облысы Жылыой ауданында 2400 орам мал азығы отқа оранды. Өрт сөндірушілерге Шоқпартай ауылы, Бопай ханым көшесіндегі ашық аумақта шөп жанып жатқаны туралы хабар келіп түскен. Оқиға орнына дереу шыққан төтеншеліктер «КамАЗ» маркалы жүк автокөлігінің жануы салдарынан ашық алаңда жиналған орам шөптердің жануын анықтады.
«Өрт орнында «КамАЗ» маркалы жүк автокөлігінің және 1250 шаршы метр алаңда жиналған шамамаен 2400 орам, яғни 840 тоннаға жуық шөптердің жануы орын алды. Оқиға кеше, 5 қыркүйекте болған. Өрт 16:06 сағатта оқшауланып, сағат 17:50-де толықтай ауыздықталды. Зардап шеккендер жоқ. Өрттің шығу себептері анықталуда» делінген Атырау облыстық Төтенше жағдайлар департаментінің мәліметінде.
Атап өтетіні, шақырту орны өрт сөндіру бөлімінен 27 км қашықтықта орналасқан. Қызыл жалынды сөндірге 8 қызметкер мен 2 техника жұмылдырылды.
