Алматыда 22 жастағы жігіт оңай олжа табудың тың әдісін үйреніп алған. Ол сайт арқылы жас қыздармен танысып, оларды кездесу шақырып жүрген. Кездесу соңында алаяқтық әрекетін іске асырып, алдап кетіп отырған.
Жас жігіт кездесу кезінде жан сырын ақтарып, әңгіме айтады екен. Кейін түрлі сылтаумен қыздардан әлдекімге қоңырау шалу үшін ұялы телефонын сұрап, соңында қашып кетіп жүрген. Ал оңай олжасын ломбардқа өткізіп келген.
«Жедел-іздестіру іс-шараларының нәтижесінде күдікті анықталды. ҚР ҚК-нің 190-бабы 3-бөлігі бойынша жүргізіліп жатқан тергеудің қазіргі кезеңінде осыған ұқсас 2 эпизод анықталды», – деді Наурызбай аудандық полиция басқармасының бастығы Данияр Меңдебаев.
Полицейлердің мәліметінше, алаяқтың құрбаны болғандар көп болуы мүмкін. Осыған байланысты полиция қызметкерлері күдіктінің суретін мұқият қарап шығуды және оны таныған жағдайда мына телефондарға хабарласуды сұрайды: 8-707-447-07-50; 8-747-699-70-02.
