Отау құрғандарына 39 жыл болған ер мен әйелдің балалары бұл датаға орай ерекше тосын сый жасады. Бұл сәттің видеосын ТікТок қолданушысы парақшасында жариялады.
Бейнежазбада ерлі-зайыптылар жиен немересінің бесік тойынан келгені, айтулы күнді мүлдем естерінен шығарғанын жазған.
Қонақтан келген оларды балалары көздерін матамен байлап, ер кісінің кеудесіне гүл, ал анасына фата тағып қояды. Көздерін ашқан ерлі-зайыптылар тосын сыйға ерекше қуанады. Ал перзенттері шашу шашып, тіпті лента қидырады. Мұнан соң ер кісі жұбайының фатасын ашып, маңдайынан сүйеді. Келіні айтулы күнге орай тәтті тортты табыстайды.
Видеоны көрген желі қолданушылары орта жастағы ер мен әйелдің перзенттерінің бұл әрекетіне риза болды.
«Жарайсыңдар, міне тосын сый», «Қандай керемет, бақытты болыңыздар», «Тамаша, құтты болсын», «Алла енді алтын тойды тойлауды нәсіп етсін», «Бізге де жұғысты болсын», «Өмірлері ұзақ болып, екі дүниенің рахатын көрсін», «Ата-аналарыңа Алла қуат берсін. Жұптары жазылмай, 100-ге келсін» деп жазды желі қолданушылары.
