Отан алдындағы борышын өтеп жүрген сарбаздарға демалыс уақытында мультфильм қосып бергендер көптің ашуын тудырды. Оның видеосы әлеуметтік желіде тарады. Видеода бір топ сарбаз теледидар экранына тапжылмай қарап отырады. Онда «Маша және аю» мультфильмі көрсетіліп тұр.
Жауынгерлердің бейнежазбасы желі қолданушыларының ызасын келтірді.
«Тым болмағанда батырлар туралы мультфильм қосып қоймаған ба?», «Қазақ идеологиясын, рухын көтеретін кино ма немесе бағдарлама қоймай ма? Небір тарихи туындылар жетерлік қой бізде», «Қазіргі армияны балабақша дейтіндер осы үшін айтқан шығар», «Мазақ қылғандары ма? Кішкентай балалар емес қой», «Таза балабақша, әскер деп айтуға ауыз бармайды», «Мультиктен басқа көретін ешнәрсе таппаған ба?» деп жазды желі қолданушылары.
