Түркістан облысы, Мақтаарал ауданындағы жергілікті тұрғын жұрт шырт ұйқыда жатқан кезде ұрлыққа түскен. Бұған дейін сотты болған күдікті балалардың бір реттік жаялығымен (памперс) бірге үйдің сарайында тұрған көлік бөлшектерін де қолды еткен.
Полицейлерге шағым түсірген жәбірленуші әйел ұрлық ұрлық жайтының құрбаны болғанын айтқан. Оның айтуынша, түнгі уақытта ауласындағы сарай ішіне белгісіз адам кіріп, 1 дана бұрғылағыш құралын, «Комбайн» жүк көлігінің 200 дана бөлшек жабдықтарын, сондай-ақ 120 дана балаларға арналған жаялықтарын жымқырып кеткен. Келтірілген жалпы шығын көлемі 450 000 теңгеге жуық.
«Полиция қызметкерлері аталған жайтты ҚР ҚК-нің 188-бабы, яғни «Ұрлық» қылмыстық құқық бұзушылығы бойынша тіркеді. Жедел уәкілдер қажетті іс-шаралар кешенін жүргізіп, жақын маңдағы аумақтарды аралап, куәлардан сұрастыру жұмыстарын жүргізді. Нәтижесінде күдікті ретінде бұрын сотты болған ер азамат ұсталды. Ол жергілікті тұрғын болып шықты. Қазіргі таңда аталған жайтқа байланысты күдікті қамауға алынып, тергеу амалдары жүргізілуде»,-деді облыстық Полиция департаментіндегілер.
Оңай олжалы болуды көздеген күдікті бұл үйге алдын ала жоспармен ұрлыққа түскен екен. Қолды болған затты сатпақ болған. Бірақ ол үйі іске аспай қалды.
