Әлеуметтік желілерде түйенің белгісіз шұңқырға құлап түсіп, шыға алмай қалған сәтінің видеосы тарады. Автордың мәліметінше, шұңқыр іші мұнайға толы. Видеодан бірнеше ер кісінің түйені сыртқа алып шыққан сәтін көруге болады.
Төрт түліктің мойнына арнайы жіп байлап, оны УАЗ көлігімен сүйрейді. Осы сәтте ер кісінің бірі түйенің аяғына да жіп байлау керектігін айтады. Дегенмен мойнына байланған жіп арқылы малды аман алып шығады. Бұны көрген желідегілер ер азаматтардың әрекетіне риза боллы. Енді бірі түйе аман қалды ма деп уайымға салынды. Пікір жазғандардың мәліметінше, түйе зардап шекпеген.
«Обал-ай, тірі қалды ма екен?», «Құдай-ау, мынаны көріп мен қиналып кеттім», «Жігіттер, жарайсыңдар!», «Тірі қалыпты», «Жүрегім ауырып кетті, аман болса екен» деп жазды желідегілер.
