Жақын маңдағы мешітте азан шақырылғанын естіген бір топ кептер оның дауысын ести сала, бір орнында тапжылмай отырған. Бұл сәттің видеосын түсірген автордың айтуынша, өзі құстарға жем беруге барып, осындай көрініске куә болыпты. Оқиға елордадағы мешіттердің бірінің маңында болған.
Бейнежазбада азанның дауысын естіген құстардың бір орнында отырғанын, құдды бір азан шақырылып біткен сәтті күткендей кейін орындарынан ұшып кеткендерін көруге болады.
Желі қолданушылары кептерлердің бұл әрекетіне таң қалысты.
«Алланың құдіреті күшті, таң қалып отырмын», «Аллаһ ұлық, құдіретті. Мәңгілік тіршілік иесі», «Айтарға сөз жоқ», «Керемет», «Адамнан басқаның бәрі Алланың құдіретін түсінді. Осыны Алласын ұмытқан кей депутаттарға көрсету керек», «Қандай керемет көрініс. Алланың құдіреті шексіз. Құстардан мұндайды кім күткен?», «Ал енді Алла жоқ дейтіндер бұған не дейсіңдер?», «Алланы кей адамдар ұмытса да жан-жануар ұмытпайды. Жақсы күнде де, жаман күнде де Алланы ауыздарыңыздан тастамаңыздар», «Пенделер, тәубаға келіңдер» деп жазды желі қолданушылары.
Айта кетейік, видео авторының мәліметінше, бұл күн салқын кезде түсірілген екен.
