Әлеуметтік желіде киімі жоқ ер адамның мектеп ауласында жүргені туралы видео тарады. Автордың айтуынша, бұл жағдай бүгін Шымкенттегі А.С. Пушкин атындағы № 1 мектеп- гимназияның ауласында болған. Желі қолданушыларының бірі тырдай жалаңаштанған адамды «есірткі шегіп алған ба?..» десе, кейбірі «оқу жылы аяқталғанына қарамастан мектепте оқушылар жүруі мүмкін ғой», «күзетші қайда қараған?..» деп талқылап жатыр.
Осы жәйтке байланысты полицейлер ақпарат таратты.
«Әл-Фараби ауданы Полиция басқармасының учаскелік инспекторлары таңертең мектеп аумағында жалаңаш жүрген ер адамды анықтады. Азамат Шымкент қаласының тұрғыны. Психоневрологиялық диспансерде есепте тұрады. Бір ай бұрын ер адам ауруханадан шығарылды. Бүгін ол қайтадан ауруханаға жатқызылды», делінген Полиция департаментіндегілер жолдаған жазбада.
