Балықтардың уылдырық шашатын мезгіліне орай 15 мамырдан бастап өңірде балық аулауға тыйым салынып отыр. 15-маусымға дейін өзен, көлдерге аулау құралдарымен барғандарға айыппұл салатын болады. Жалпы, осы кезеңінде уылдырық шашатын айдындарда моторлы қайықтармен және басқа да жүру құралдарымен жүруге тыйым салынған.
— Бір ай мерзімге Атырау және Батыс Қазақстан облыстары шегіндегі Жайық өзенінде барлық жайылма су айдындарында әуесқой балық аулауға толық тыйым салу күшіне енеді. Құрманғазы ауданындағы Қиғаш өзенінде бұл шектеу сенбі, жексенбі және мереке күндерін қоспағанда, 20 сәуір мен 20 мамыр аралығында қолданылады. Басты мақсат – табиғи байлығымыздың өсімін молайту, -деді Жайық-Каспий облысаралық балық шаруашылығы бассейндік инспекциясының ресми өкілі Олег Тушканов.
Қиғаш өзені бойынша балық аулаудың шектеу мезгілінің ерте басталу себебі — Қиғаш өзенінің Ресеймен шектесетін өзіндік ерекшелігіне байланысты.
