354
Бұл туралы ҚР Экология, геология және табиғи ресурстар министрлігі Балық шаруашылығы комитеті төрағасының орынбасары Аян Бахиянов мәлімдеді.
-Судың көлге тез келіп, тез қайтуының салдарынан балықтар жыңғылдардың арасында, қайраңдарда қалып қойған. Безымянный көлінен 65 келі балық өлексесі жиналса, Алмағамбет көлінен соңғы есеп бойынша 507 келі жиналды. Дегенмен, жұмыстар әлі жалғасуда. Қазіргі сәтте Жайық-Каспий бассейндік инспекциясының 40 қызметкері және Алға ауылының 8 жұмысшысы осы бағытта жұмыс жүргізуде,- деді А.Бахиянов.
Ал облыстық балық шаруашылығы басқармасының басшысы Артур Сәдібекұлы өңірде 200-дан астам су айдыны болса, оның 70-ке жуығы қауіпті айдын қатарына жататынын айтты.
