Майда шабақтардың бір жерге шоғырланған көрінісін әлеуметтік желі қолданушысы бөліскен. Онда су бетінде қалқыған ұсақ балықтардың арқа тұстарының жара тәріздес қабыршақтанғаны айтылған.
Осы бейнежазбаға қатысты облыстық әкімдіктің баспасөз қызметі жауап берді. «Көзбен шолып қарау кезінде шабақтардан қабыршақты жамылғының өзгерістері белгілі болды. Олардың көбі мөңке және сазан балықтары» -делінген хазбаша ақпаратта.
Арал-Сырдария облысаралық бассейндік балық шаруашылығы инспекциясының Түркістан облысы бойынша балық инспекция бөлімінің бас маманы Марат Қарақұл шабақтардың өлуіне қыстың тым жылы болуымен байланыстырған:
-Бұл шабақтардың өлу жағдайы жылда болатын қалыпты жағдай. Өйткені оңтүстік аймақта, әсіресе Шыһардара қаласында қыс мезгілі болмай жатуы себепті балықтың иммунитеті төмендеп, көктем мезгілінде шамалы балықтар өлу жағдайы анықталады. Одан кейін 10-15 күннің ішінде судың астында көк шөп шыққаннан кейін бұл балықтардың бәрі қалыпқа келеді. Қазір табиғат пайдаланушыларға тапсырма берілді, балықтар арнайы жерге апарылып, көму жолымен жойылатын болады. Оншақты тірі балық Шардара аудандық ветеринарлық бөліміне тапсырылды, зерттеп анықтау үшін.
