Атырау облысы балықшылары осылай деп дабыл қағуда. Олар өзенге тереңдету жұмыстары жүргізілгенімен, арнасы толмай тұрғанына алаңдаулы. Тіпті тезірек қолға алмаса, өзен бөлініп, Каспий теңізіне шығу мүмкін болмайтынын айтты. Тіпті бұл экологиялық апатқа жете ме деп қауіптенеді. Қиғаш өзенінің Новинск учаскесінен бейнеүндеу жариялаған балықшылар теңізге шығу үшін қайықты бірнеше метрге сүйреп жеткіземіз,- дейді. Алайда аймақтың ақ жағалылары Қиғаш өзенінің бұл учаскесіне түп тереңдету жұмыстары әлі жүргізілмегенін жеткізді. Жалпы Қиғашта түп тереңдету былтыр басталған. Екінші кезең үшін 15 млрд теңге қаржы бөлініпті. Ол биыл басталады. Атырау облыстық құрылыс басқармасы басшысының орынбасары Нүрберген Құсайыновтың айтуынша, соңғы үшінші кезеңінде ғана Қиғаш өзенінің Каспий теңізге құятын учаскесі тазаланбақ.
