390
Ақтөбеде облыстық Полиция департаментінің өзіндік қауіпсіздік басқармасы қызметкерлері ішкі істер органдары қызметкерлерінің жалған қызметтік куәліктерін дайындау және сату бойынша қылмыстық әрекеттің жолын кесті. Анықталғандай жергілікті тұрғын компьютердің, түрлі-түсті принтердің және ламинатордың көмегімен жалған полиция куәліктерін жасап, қарапайым тұрғындарға сатқан.
Polisia.kz жазуынша, оның пәтерін тінту кезінде кеңсе жабдықтарынан басқа ІІМ қызметкерлерінің куәліктеріне арналған жүзден астам мұқаба алынды. Күдікті жедел уәкілдің “корочкасын” сатқаннан кейін арнайы іс-шараларды өткізу кезінде ұсталды. Қылмыстық іс қозғалды. Күдікті жасап, сатып үлгерген жалған қызметтік куәліктерді анықтау және тәркілеу бойынша шаралар қабылдануда.
