Мемлекеттен 10 милллион теңге көлемінде қайтарымсыз грант алып, кәсібін бастамақ болған Шымкент тұрғыны қомақты ақшасынан айырылды. Ол өз арызында алты айдан бергі танысы мемлекет тарапынан қайтарымсыз қаржы алып беремін деп 800 мың теңгесін ақшасын алаяқтық жолмен иемденіп алғанын жазып көрсеткен.
Аталған дерек Қылмыстық кодекстің 190-бабы 1-бөлігімен (Алаяқтық) сотқа дейінгі тергеп-тексерудің бірыңғай тізіліміне тіркелді.
«Тәртіп сақшылары күдікті азаматшаны тәулік ішінде қала аумағында қолға түсірді. Ол Шымкент қаласының 35 жастағы тұрғыны болып шықты, жұмыссыз. Бұрын-соңды сотты болмаған. Тергеу барысында ұсталған әйел азаматы заңсыз әрекетке қаражаттан қысылғандықтан барғанын және бұл үшін өкінетінін жеткізді. Тергеу амалдары жүргізілуде» деп атап өтті қалалық Полиция департаменті.
Күдікті оңай жолмен алған қомақты қаржыны өз қажеттілігіне жаратып үлгеріпті.