Биыл Шымкентте күзгі егін жинау науқаны барысында 94 мың тонна өнім жиналды. Бұл туралы ақпараттық-коммуникациялық орталықта өткен брифингте Шымкент қаласы Ауыл шаруашылығы және ветеринария басқармасы басшысының орынбасары Талғат Мекамбаев мәлімдеді.
-Күзгі-далалық жұмыстарды толық аяқтау үшін 725 доңғалақты трактор (барлығы 780 бірлік трактор, қалған 55 бірлік ағымдағы жөндеуде) және 35 комбайн (барлығы 38 бірлік комбайн, қалған 3 комбайн ағымдағы жөндеуде) пысықталды. Нәтижесінде 30,0 мың га егістіктен бүгінгі таңда 94 мың 320 тонна өнім жиналды. Олар: дәнді дақылдар-20,1 мың тонна, майлы дақылдар — 3,2 мың тонна, картоп — 4,4 мың тонна, көкөністер мен бақша дақылдары — 48,3 мың тонна, жемшөп дақылдары — 18,3 мың тонна. Күзгі егін жинау жұмыстары кестеге сәйкес жүргізіліп, толық аяқталды, – деді Т. Мекамбаев.
Спикердің айтуынша, биылғы жылы 30,0 мың гектарға ауыл шаруашылығы дақылдары егілді, бұл 2021 жылдың сәйкес кезеңімен салыстырғанда 0,7 мың гектарға артық (2021 жылы 29,8 мың гектар).).
Күзгі егіс және егін жинау жұмыстарын жүргізуге 1 000 тонна дизель отыны бөлініп, ауыл шаруашылығы тауарын өндірушілердің өтінімдеріне сәйкес берілді.
Сондай-ақ тыңайтқыштардың құнын субсидиялауға 122,1 млн теңге бөлінді, бүгінгі таңда 91,04 млн теңгеге 752,4 тонна тыңайтқыш субсидияланды.
Айта кетейік, қала аумағында қосымша 10,0 га өнеркәсіптік үлгідегі жылыжай пайдалануға берілді. Бұл “Отан Agro” серіктестігі деп аталады. Техникалық су қала аумағындағы жылыжай шаруашылығымен айналысатын шаруашылықтар үшін үлкен кедергілердің бірі деп айта алмаймын. Қазіргі уақытта қала аумағындағы барлық шаруашылықтар су үнемдеу құралдарымен, яғни тамшылатып суару технологиясымен, Су дайындау резервуарларымен және кейбір шаруашылықтардағы дренаж жүйелерімен қамтылған. Сондықтан қазіргі уақытта жылыжайларда техникалық судың жетіспеушілігі туралы проблемалық мәселе туындамайды.
Техникалық судың негізгі пайдаланушыларының бірі-ашық жердегі шаруашылықтар, яғни олар жоғарыда аталған жүйелерді қажет етпейді. Бұл бағытта шаруаларды судың жеткілікті көлемімен және жалпы ұзындығы 82,1 км механикалық тазартудан өткен 14 арнамен қамтамасыз ету мақсатында қала аумағындағы 5 арнаны күрделі жөндеуге жобалау-сметалық құжаттама әзірленуде, нәтижесінде арналардың пайдалы әсер ету коэффициенті артты.
