ҚР ИИДМ деректері бойынша инженерлік желілерді толық цифрландыру үшін 2024 жылға дейін желілердің 35% цифрландыру қалды. Естеріңізге сала кетейік, Шымкент – қолда бар коммуникациялары бар барлық жер учаскелерінің шифрлық кадастрын енгізген еліміздің алғашқы өңірлерінің бірі.
Үкімет отырысы барысында ИИДМ басшысы хабарлағандай, мемлекеттік қала құрылысы кадастрының автоматтандырылған жүйесі елді мекендердің ағымдағы және жоспарланып отырған дамуы туралы ақпаратты қамтамасыз етудің негізгі құралдарының бірі болып табылады.
Жүйе цифрлық бас жоспарларды, егжей-тегжейлі жоспарлау жобаларын (ПДП), ғимараттар мен құрылыстардың орналасуы, инженерлік инфрақұрылым, көше-жол желісі, сондай-ақ абаттандыру туралы деректерді жинауды, өңдеуді және сақтауды қамтамасыз етеді.
Жүйенің негізгі міндеті:
- градкадастр деректерін толтыру және өзектендіру,
- халық пен бизнесті инженерлік желілер туралы өзекті ақпаратпен қамтамасыз ету,
- инфрақұрылымдық деректерді цифрландыру есебінен техникалық шарттарды алудың ашық процесін қалыптастыру.
- Градкадастра жүйесі әлеуметтік инфрақұрылым, жоспарланған және жұмыс істеп тұрған өнеркәсіп объектілері бойынша кең ауқымды ақпаратты қамтиды. Градкадастрдың тақырыптық деректер базасы өңірдің экономикалық мамандануын, инфрақұрылымдық қамтамасыз етілуін, өңірде ұқсас объектілердің болуын және олардың жүктемесін ескере отырып, инвестициялық жобаларды оңтайлы орналастыруды таңдауға мүмкіндік береді.
Өз кезегінде, әлеуметтік объектілердің цифрлық деректерінің болуы тіршілік ету инфрақұрылымымен базалық қамтамасыз етуді бағалауға мүмкіндік береді. Осылайша, басқарушылық шешімдерді оңтайлы қабылдаудың сандық құралы құрылды.
Қ. Өскенбаевтың айтуынша, градкадастр қала құрылысы қызметінің ашықтығын, қала құрылысы жобаларын әзірлеу мен іске асырудың сәйкестігін қамтамасыз етуге мүмкіндік береді.
“Ол үшін біз нысанның бірегей нөмірін енгізуді пысықтап жатырмыз. Бұл біріздендіру ЖСН-мен ұқсастығы бойынша АӨС беруді, адами факторды қоспағанда, бас жоспарларға және ЖЖЕ-ге сәйкес жүйеде эскиздік жобаны келісуді қамтамасыз етуге, құжаттардың нысаналы мақсатқа сәйкестігіне түпкілікті тексеруді жүргізуге мүмкіндік береді”, – деді Қ.Өскенбаев.
Аумақтардың бос қуаттары бойынша деректердің ашықтығы – инвесторлар мен қарапайым халық үшін негізгі проблемалардың бірі болып табылады.
Градкадастр жүйесі монополистерді инженерлік инфрақұрылым объектілеріне қосылу бойынша халыққа және бизнеске ашық мәліметтер беру үшін цифрлық платформамен қамтамасыз етуге мүмкіндік береді.
Осылайша, табиғи монополиялар субъектілерінің градкадастр жүйесінің деректерін пайдалана отырып, техникалық шарттар беруі, МҚК ААЖ-да қолда бар және бос қуаттарды көрсету халық пен бизнес үшін ашық процесті, бос қуаттарды брондау мүмкіндігін қамтамасыз ете отырып, сыбайлас жемқорлық тәуекелдерін болдырмауға мүмкіндік береді.
Сонымен қатар, бұл инженерлік желілердің деректерін градкадастрдың бірыңғай ашық геоплатформасында үздіксіз өзектендіруге мүмкіндік береді.
Сондай-ақ, жүйе пайдалануға берілген тұрғын үй бойынша деректердің сенімді енгізілуін қамтамасыз етуге мүмкіндік береді.
