358
Түркістан облысы Түлкібас ауданында тұратын әйел өз үйінде тұрған қымбат тонын жоғалтып алды. Оны байқаған ол дереу полицияға арызданған. Келтірілген шығын көлемі – 750 мың теңге. Аталған оқиғаны полиция қызметкерлері Қылмыстық кодекстің 188-бабы 1-бөлігі (Ұрлық) бойынша тіркеуге алды.
Жедел-тергеу тобы құрылып, сұрастыру жұмыстарын жүргізді. Нәтижесінде тонды ұрлаған күдікті жәбірленушінің туыс келіні болып шықты. Облыстық Полиция департаментінің мәліметінше, жас әйел ақша қажет болған соң туысының тонын ұрлап, ломбардқа өткізген. Алған ақшаны бас пайдасының қажеттілігі үшін жаратып жіберген. Ұрланған тон айғақты зат ретінде алынып, заңды иесіне қайтарылды. Қазіргі таңда сотқа дейінгі тергеу амалдары жүргізілуде.
