355
Шымкентте «Нұрсат» мөлтек ауданындағы көпқабатты тұрғын үйден өрт шықты. Оқиға бүгін, 25 сәуір күндізгі уақытта болған. «101» басқару пультіне 25 сәуірде сағат 13:35-те «Нұрсат» шағынауданындағы №50 үйде өрт шыққаны туралы хабар келіп түскен.
Өрт 6-қабатта орналасқан пәтердің балконынан шыққан. Ондағы үй заттары, салқындатқыш және 7-қабатта орналасқан пәтердің балконындағы үй заттары жанып кеткен.
Өрт сағат 14:05-те оқшауланды, сағат 14.11-де толық сөндірілді.
Шымкент қалалық Төтенше жағдайлар департаментіндегілер зардап шеккендер мен қайтыс болғандар жоқ екенін айтты. Өрттің шығу себебі анықталуда.
Оқиға орнына Өрт сөндіру қызметінің 29 қызметкері мен 6 техникасы жұмылдырылды.
