Өткен жылы Мемлекет Басшысы Қасым-Жомарт Тоқаев жыл сайынғы Жолдауында монополиялық нарықтарда “инвестиция орнына тариф” жаңа тарифтік саясатын белсенді түрде іске асыруды бастау қажеттігін атап өтті.
Бұл жоба ескі кәсіпорындарға жаңа өмір сыйлауы керек, өйткені монополистер инфрақұрылым желілерін жаңғыртуға инвестиция салып, Коммуналдық қызметтерге тарифтерді көтеру құқығын алады.
“Мемлекет басшысының тапсырмасын орындау үшін Шымкент қаласының әкімдігі бірқатар шаралар қабылдады. Атап айтқанда, “Оңтүстік Жарықтранзит” ЖШС инвестициялық бағдарламаға қатысты. 2022 жылы 121,3 км электр желілері жаңартылды. Биыл 126,3 шақырым желі мен 4 қосалқы станцияны жаңғырту жоспарлануда. Сондай-ақ, компания 2024 жылы 147,8 км желіні және 3 қосалқы станцияны, 2025 жылы 90,2 км желіні және 5 қосалқы станцияны жаңартуды жоспарлап отыр. Сонымен қатар, Шымкент қаласының энергетика және инфрақұрылымдық даму басқармасы инженерлік инфрақұрылым желілері бойынша жұмыстар жүргізді. “ҚазТрансГаз Аймақ” АҚ-на тиесілі 898,9 км табиғи газ құбырын жаңғыртуға 28,2 миллиард теңге бағытталды. Бұл Шымкенттегі газ құбырларының тозу деңгейін 12 пайызға төмендетеді”,-деп хабарлайды Шымкент қаласы әкімдігінің баспасөз қызметі.
Сондай-ақ, ведомствода “Оңтүстік Жарықтранзит” жақын арада 1 902,1 км электр желілерін жаңғыртуды жоспарлап отырғанын айтты. Ол үшін 31,4 миллиард теңге инвестициялау қажет. Бұл электр желілерінің тозу деңгейін айтарлықтай төмендетуге көмектеседі. Мамандардың айтуынша, 20 пайызға жуық.
Айта кетейік, “Қуатжылуорталық-3” 19,8 шақырымдық жылыту жүйесін жаңартуға және жаңғыртуға 3,2 миллиард теңге жұмсалады, бұл тозу деңгейін 15 пайызға төмендетуге ықпал етеді.
“Су ресурстары Маркетинг” ЖШС 83 шақырым су құбырын жаңғыртуға 2,5 миллиард теңге, 18 шақырым су бұру жүйесін жаңғыртуға 29,8 миллиард теңге қажет. Жоспарланған жұмыстардың нәтижесінде ауыз су жүйесінің тозу деңгейі 21 пайызға төмендейді. Осы міндеттерді орындау мақсатында ҚР Бәсекелестікті қорғау және дамыту агенттігінің Шымкент қаласы бойынша департаментімен бірлесіп тиісті жұмыстар жүргізілуде”,-деп атап өтті Шымкент қаласы әкімдігінің баспасөз қызметі.
Айта кетейік, “инвестиция орнына Тариф” жаңа бағдарламасы салаға жыл сайын 400 миллиард теңгеге дейін инвестиция тартуға бағытталған.
