Әлеуметтік желіге мониторинг жүргізген Түркістан қаласының тәртіп сақшылары көрші аудандағы мектеп түлектерінің қатысуымен болған автокөліктер кортежін анықтады.
Қабылданған шаралар барысында жүргізушілердің жеке басын анықталып, олар әкімшілік жауапкершілікке тартылды.
“BMW” және “ВАЗ” автокөліктерінің жүргізушілеріне қатысты әкімшілік құқықбұзушылық туралы кодекстің 593-бабы 1-бөлігі және 606-бабы 1-бөлігімен әкімшілік хаттамалар толтырылды. Құқық бұзушылардың көліктері айыптұраққа қойылды» делінген облыстық Полиция департаментінің мәліметінде.
Сонымен қатар Қазығұрт және Сарыағаш аудандық полиция бөлімдерінің полицейлері әлеуметтік желілердегі бейнежазбада анықталған тағы бір кортежді анықтау мақсатында, жедел іс-шаралар жүргізді. Нәтижесінде жол қозғалысы ережелерін бұзушыларды анықтап, көлік құралдары айыптұраққа қойылды. Полицейлер “Hery Tiggo 7”, “Lada 21705” және “Lada 2115” көліктерінің жүргізушілерін ҚР ӘҚБтК-нің 590-бабы 5-бөлігі және 9-бөлігі, 230-бабы 2-бөлігі, 595-бабы 1-бөлігі, 593-бабы 1-бөлігі бойынша жауапқа тартты. Сондай-ақ құқық бұзушылар мен жасөспірімдерге профилактикалық әңгімелер жүргізілді.
