Шымкенттік бойжеткен көпқабатты тұрғын үй терезесінен секіріп кетпек болды. Абырой болғанда полицейлер жас қызды құтқарып қалды.
Тұран аудандық ПБ-ның “102” арнасына қала тұрғынынан көпқабатты үйдің терезесінен белгісіз жас қыз секіргелі тұрғаны туралы хабарлама келіп түскен. Оқиға орнына дереу патрульдік полиция полкінің автоэкипажы жіберілді. Тәртіп сақшылары келген кезде жас қыз ғимараттың сыртқы қабырғасында орнатылған кондиционер блогында отырған. Полиция инспекторлары оны секірмеуге үгіттеп, райынан қайтаруға тырысқан. Сол сәтте тәртіпп сақшысының бірі қолайлы сәтті пайдаланып, бойжеткенді пәтерге тартып кіргізген.
Polisia.kz жазуынша, қала тұрғыны зардап шеккен жоқ, онымен профилактикалық әңгіме жүргізілді. Белгілі болғандай, ол жеке мәселелеріне байланысты өз-өзіне қол жұмсамақ болған.
«Қызмет барысында түрлі жағдайларға тап боламыз. Әрқашан азаматтарға көмектесуге және олардың қауіпсіздігін қорғауға басымдық береміз. Бүгін дер кезінде орын алуы мүмкін қайғылы оқиғаның алдын алдық. Біз үшін бұл – ерлік емес, бұл – біздің жұмысымыз. Антқа адалдық дегеніміз – адамдарды қорғау және құтқару» – дейді полиция инспекторы Жүнісқожа Темірханұлы.
