Оқиға тамыздың 2-сінен 3-іне қараған түні болған.
«101» диспетчерлік пультіне 3 тамыз сағат 02.06-да Әл-Фараби ауданы Түркістан көшесі бойында өрт орын алғандығы туралы хабаралама келіп түскен.
Аталған мекенжайда 5 қабатты тұрғын үйге жапсарласа соғылған балалар киім дүкенінің аумағы 2 шаршы метр, «АстроЛомбард» жауапкершілігі шектеулі серіптестігінің аумағы 4 шаршы метр, «ARTECO» бояу студиясының аумағы 6 шаршы метр сыртқы қаптамалары өртенген. Сонымен қатар 2, 3, 4 қабаттардағы балкондардың аумағы 9 шаршы метрді құрайтын сыртқы қаптамалары мен бір пәтердің ас бөлмесінің пластик терезесі жанды. Өрттің жалпы аумағы 21 шаршы метрді құрады.
Өрт сағат 02:27-де оқшауланып, сағат 02:46-да толығымен сөндірілді. ТЖД мәліметінше, оны сөндіруге Өрт сөндіру қызметінің 24 қызметкері мен 6 техникасы жұмылдырылды. Кауіпсіз жерге 9 адам шығарылды. Зардап шеккендер мен қайтыс болғандар жоқ. Өрттің шығу себебі анықталуда.
