Ұлытау облысының мәслихат хатшысы 40 млн теңге тұратын көліктен қағылды

Еріктілердің көмегімен мемлекеттік сатып алу саласында бірқатар бұзушылықтар анықталды.
Антикордың мәліметінше, 2 айда 1,5 мыңнан астам азамат жемқорлыққа қарсы еріктілер қатарына қосылған. Тамызда басталған «Сыбайлас жемқорлыққа қарсы волонтерлік» жобасына еліміздің барлық өңірлерінің белсенді азаматтары қатысуға ниет білдірді. Анықталғандай, Ұлытау облысының әкімдігі осы көлікті алуға ниет білдірген. Алайда, арам ойлары жүзеге аспаған.
Бұдан бөлек, тағы бірнеше өңірде құқықбұзушылықтар анықталған. Мәселен, Түркістан облысының жергілікті атқарушы органдары жобалау-сметалық құжаттаманы жасау бойынша көрсетілетін қызметтерді мемлекеттік сатып алу құнын көтерген болатын. Алайда, еріктілердің қырағылығының арқасында мемлекеттік органдар бағаны төмендетіп, нәтижесінде 27 млн теңгеден астам бюджет қаражатын үнемдеуге қол жеткізді.