Ұстаз деген өзінің шәкіртін білім нәрімен сусындатып, адамгершілік асыл қасиеттерді, тәлім-тәрбиені бойына дарытып жүрген ұлы адам. Бүгінгі күні ұстаздар қауымы барлық алғыс пен құрметке лайық. «Ұстаз – ұлы ұғым, ұлағатты есім. Халқымызда «Ұрпақ болашағы – ұстаздардың қолында» деген тағылымы мол сөз бар. Яғни, жас ұрпаққа сапалы білім, саналы тәрбие беретін мұғалімдер – мектептің жаны, руханияттың шамшырағы, білім мен ғылымның жанашыры.
Ұлағатты ұстаздар күні қарсаңында Ақтау және Жаңаөзен қаларында орналасқан Ұлттық ұланның әскери қызметшілері өздері бірлесіп іс-қимыл жасайтын, нақтырақ айтсақ «Жас бүркіт» клубын құрып оқушылардың арасында әскери патриоттық сезімдерін оятуға ат салысып жүрген мектеп басшыларын ұлағатты ұстаздар күнімен құттықтады. Кездесу барысында ұландықтар ұстаздарға шексіз алғыстарын білдіріпжұмыстарына табыс тіледі.
