Сенат депутаты Бибігүл Жексенбайдың айтуынша, еліміз қызылша жұқтыру бойынша Африка елдерінің алдына шықты. Бұл туралы ол, Үкімет басшысы Әлихан Смайыловтың атына жолдаған депутаттық сауалында мәлім етті.
Депутаттық сауалымызға қоғамды мазалап отырған балалар мен жасөспірімдер арасындағы аса жұқпалы дерт – қызылшаның шектен тыс таралуы негіз болды. АҚШ-тың ауруларды бақылау және алдын алу орталығы қызылшаның жаһандық індетіне қатысты мәліметті жариялады. Онда Қазақстан ауру жұқтырғандар саны бойынша алғашқы үштікке енді. Салыстырмалы түрде айтсақ, бұл жұқпалы ауруды Эпиофияда 11 мың адам, Пәкістанда 8 мың адам, Конгода 6 мың адам жұқтырған. Тіпті, бұл көрсеткіш жөнінен Қазақстан Африка елдерінің алдына шықты.
Сарапшылардың пікірінше, Қазақстанда вакцинация проблемасы бір сәтте пайда болмаған. Жұқпалы дерттің басты себебінің бірі екпе бағытындағы жұмыстың әлі жүйелі, жоспарлы, нәтижесі сараланып жасалмай келе жатқанында болып отыр-, деді сенатор.
Сондықтан, барынша жауапкершілікпен қарап, вакцинаның жарамдылық мерзімі мен сапасын қадағалауды сұрады.
