Астаналық Таңшолпан Керімова қоғамнан көмек сұрайды. Өйткені ол, бұрынғы жұбайынан қоқан-лоққы көріп келеді. Күн сайын терезесіне тас лақтырып, түнде оқ атудан тайынбайды екен.
Әбден мазасы қашқан келіншек, Тараздан Астанаға қоныс аударған.
“Үйімнен, жұмысымнан шыға алмай қалдым. Мұрнымды сындырғанына байланысты қылмыстық іс қозғалып, кейін тоқтап қалды. Учаскелік полицей «Ешқандай құқықбұзушылық көріп тұрған жоқпыз» дейді. «Өткенде мұрнымды сындырды ғой» десем, «ол өтіп кетті ғой» дейді, – деп отыр Таңшолпан Керімова.
25 рет полиция қызметкерлеріне арызданған. Бірақ, еш нәтиже болмаған. Тек бір рет қана 10 күнге қамалып шыққан. Соған қарамастан, таяқтың астына алып, қыздарына да күн бермейді екен.
Қазіргі таңда, Астана қаласының ПД әкімшілік іс қозғаудан ары аса алмай отыр. Өйткені, қылмыстық құрам жоқ дейді.
