Жеті жастағы Карина Закураеваның өліміне қатысты іске нүкте қойылды. Оның өгей анасы кінәлі деп танылып, 20 жылға бас бостандығынан айырылды. Ол жазасын орташа режимдегі колонияда өтейтін болады. Десе де, сотталушы өз кінәсін мойындамаған. сондай-ақ, баланы жақсы көрдім деп ақталуға тырысқан.
“Сот қылмыстық істі қарап, Балжан Тұрлыбекті кінәлі деп танып, 20 жылға бас бостандығынан айырды. Ол жазасын орташа режимдегі колонияда өтейтін болды”, – деді сот отырысында төрағалық етуші Ерлан Болатов.
Естеріңізде болса, қайғылы жағдай былтыр шілде айында орын алған болатын. 102 арнасына пәтерлердің бірінде кішкентай қыздың денесі табылғаны туралы ақпарат түскен болатын. Оқиға орнынан табылған мамандар, оның денесінен зорлық-зомбылықпен өлімнің көптеген іздерін тапқан. Оның үстіне сараптама қыздың ұрып-соғып өлтіріп қана қоймай, ұзақ уақыт азапталғанын анықтады. Сотта, Прокурор өгей анасы өгей қызын нәжісін ұстай алмайтындықтан және “шалбарында үнемі дәрет қалдықтары қалатынын” ұнатпайтыны үшіг ұрғанын айтты. Бұл әйелдің баланы аяусыз ұрып-соғуына итермелеген. Айыптау қорытындысы бойынша, үй иесі нәжістің жағымсыз иісін сезіп, ашуланып, қыздың басын қонақ бөлмедегі радиаторға ұрған. Содан кейін ол оны жуынатын бөлмеге сүйреп апарып, сонда өлтіріп тынған.
