79
Соңғы кездері әлеуметтік желіде мопед айдағандарға наразылық айтатындар көбейді. Өйткені, олар жылдамдықты асырып, жол апатына себепші болады дейді.
Бұл жолы да, мопед тізніндеген азамат, жеке сектордағы үйдің қабырғасына соғылып, тіл тартпай кетті. Оқиға Алматы қаласы Медеу ауданында болған. Сондай-ақ, жүргізушіден бөлек, тағы бір жолаушы болған. Ол қазір жансақтау бөлімінде жатыр.
Тұрғындардың айтуынша, көше жарықтандырылмағандықтан осындай жағдай болып отыр.
Аталған факті бойынша тергеу амалдары жүргізілуде.
Айта кетейік, жыл басынан бері мопедтердің қатысуымен 750 ге жуық көлік апаты тіркелді. Салдарынан 40-тан аса адам көз жұмды.
Сонымен қатар, дәл осы жүргізушілердің қатысуымен 53 мыңнан аса құқық бұзу дерегі тіркелген.
