Ұстаз– білім мен бағыт-бағдар беретін, әрбір адамның арман-мақсаттарына жету жолында қолдау көрсететін тұлғалар. Сондықтан, олардың еңбегі ерен. Орны биік!
Осыған орай, «Даналық – ұстаздан» республикалық акциясы өтуде.
Акцияға 3 миллионнан астам білім беру ұйымдарының оқушылары қатысып, бір мезгілде «Ұстазым» әнін орындады. Акция қазақстандықтар арасында кең қолдау тауып, оған балабақша тәрбиеленушілері мен оқушылардан бастап, мемлекеттік қызметкерлер, құтқарушылар, дәрігерлер және еліміздің танымал тұлғалары өз ұстаздарына әлеуметтік желілерде алғыс білдіру арқылы үн қосты.
Іс-шара педагогтерге құрмет пен алғыс білдіруге, сондай-ақ «Біртұтас тәрбие» бағдарламасы аясында жас ұрпақтың рухани-адамгершілік мәдениетін қалыптастыруға бағытталған.
Құрметті ұстаздар, төл мерекелеріңізбен шын жүректен құттықтаймыз! Отбасыларыңыз аман болсын!
