148
Қостанай облысы әкімдігінің мәліметінше, Жітіқарадағы жеке үйдегі өртте бес кішкентай баласынан айырылған отбасыға қажетті көмек көрсетілді. Оның ішінде, психологиялық, құқықтық және материалдық көмек бар.
“Жерлеу рәсімі ұйымдастырылып, жергілікті бюджеттен 100 АЕК көлемінде біржолғы әлеуметтік көмек берілді, білім беру бөлімінің қоры есебінен 100 АЕК көлемінде төлем беру жоспарлануда. Қаладағы екі ірі кәсіпорының бастамасымен отбасыға екі бөлмелі пәтер сатып алынды”, – делінген әкімдік мәлімдемесінде.
Естеріңізге сала кетейік, 11 қазан күні Жітіқара қаласында жеке сектордағы үй өртеніп, қараусыз қалған бес бала қаза тапқан еді.
