20 қазан күні, Грузия астанасының орталығындағы Еркіндік алаңында оппозициялық партиялардың жақтастары митинг өткізді. Шеруге шамамен 50 мың адам қатысқан. Олар, “Грузия Еуроодақты таңдайды” деген ұранмен шыққан.
Еркіндік алаңына шыққандар, халықты 26 қазанда өткелі отырған парламент сайлауында биліктегі “Грузин арманы” партиясын алмастыру үшін төрт оппозициялық партияның бірін қолдап дауыс беруге шақырды.
Сондай-ақ, митингіге шыққандарға, ел президенті Саломе Зурабишвили сөз сөйлеп, пікір білдірді. Ол мыңдаған адам қатысқан сайлауалды митингіні ұмытылмас тарихи оқиға деп атады.
Зурабишвили Молдова президенті Майя Сандуға “Молдованың Еуропадағы болашағы жөнінде референдумда жеңіс” тілеп, Украина президенті Владимир Зеленскийге алғыс білдірді.
Естеріңізде болса, Еуроодақ Грузияның интеграция процесін шілде айында тоқтатқан болатын. Бұл туралы Еуропа Одағының Грузиядағы елшісі Павел Герчинский Тбилисиде Еуроодақтың кеңеюі туралы халықаралық конференцияда хабарлаған.
