67
Астана қаласының қылмыстық істер жөніндегі ауданаралық соты Қазақстан Республикасы Ауыл шаруашылығы министрлігінің Кадрлық және әкімшілік қамтамасыз ету департаменті директорының бұрынғы орынбасары Б. Жолтайға қатысты үкім шығарды.
Соттың мәліметінше, ол қызметтік көлікті жөндеу үшін үлестес компанияны заңсыз тарту арқылы өзінің лауазымдық өкілеттіктерін асыра пайдаланған. Нәтижесінде мемлекетке 3,2 миллион теңге көлемінде залал келтірілген.
Сот шешімімен Б. Жолтай 3,4 миллион теңге айыппұл төлеуге міндеттеліп, өмір бойына мемлекеттік қызметте жұмыс істеу құқығынан айырылды.
Айта кету керек, бұл сот үкімі әлі заңды күшіне енген жоқ.
