ДСМ қазақстандықтарға шілде айынан, қыркүйек айына дейін қарақұрттан абай болуға шақырады. Қазіргі таңда өрмекшілердің белсенділігі артып отыр. Әсіресе, Атырау, Павлодар облыстарында қарақұрттың қаптауы елдің мазасын қашырған.
Министрлік қазақстандықтарды бес негізгі ережені ұстануға шақырады:
-қорғаныш киімін киіп жүру: қарақұрттар мекендейтін жерлерде (жануарлар ұсталатын жерлерде) ұзын шалбар және жабық аяқ киім кию;
-киім мен аяқ киімді киер алдында тексеру;
-қорғаныш құралдарын қолдану (инсектицидтер);
-тазалық сақтау: қоқыстарды тез арада шығару, қосалқы құрылыстарды тексеріп тұру;
-өрмекшілерді қолмен ұстамау.
Егер сізді қарақұрт шақса, бірден жақын маңдағы дәрігерлік ұйымынан ем алыңыз. Өйткені, жәндіктің уы адам денесіне 10-15 минутта тарайды. Айқын ауырсыну байқалып, интоксикация белгілері күшейеді. Мәселен, жүрек соғуы, ентігу, бас ауруы, жүрек айнуы, құсу, беттің қызаруы, тершеңдік пайда болады.
