112
Елімізде шамамен 100-ге жуық ауыл тұрғындары ішімдіктен бас тартқан. Бұл туралы Ішкі істер министрінің орынбасары Игорь Лепеха мәлімдеді.
«Қазақстанда жалпы 97 ауыл ішімдіктен бас тартқан. Қарағанды облысында – 50 ауыл, Түркістан облысы – 7 ауыл, Қостанай облысы – 6 ауыл, Ақтөбе облысы – 5 ауыл, Жамбыл облысы – 5 ауыл, ШҚО – 4 ауыл, Қызылорда облысы – 3 ауыл, Ұлытау және Батыс Қазақстан облыстары – 2 ауыл, Маңғыстау, Жетісу, Павлодар облыстары – 1 ауыл. Бұл – шағын ауылдар. Ондағы тұрғындар «енді ішімдік ішпейміз деп» шешім қабылдаған. Өздерінің бастамасы. Біз осындай бастама көтеріліп жатқан соң мониторинг жүргіздік. Нәтижесінде онда құқық бұзушылық бірнеше есе азайғанын байқадық», – деді Игорь Лепеха
