Алматы ауданының Тәуелсіздік даңғылы бойындағы автокөліктерге қызмет көрсету орталығының екінші қабатында өрт орын алған. Оқиға орнына лезде жеткен төтеншеліктер 200 шаршы метр жерді шарпыған қызыл жалынды ауыздықтады.
Алайда, оттың ауысуымен жанындағы бояу цехының шатыры да өртке оранды. Салдарынан, автокөліктерге қызмет көрсету орталығының бір қызметкері жану өнімдерімен уланып, жедел жәрдем бригадасының қызметіне жүгінді.
ТЖМ ескертеді:
Егер түтін көп болса, тамағыңыз жыбырлап, көздеріңіз суланса – тыныс алу жолдарын көп қабатты мақта матамен тығыз жауып, дем алыңыз.
Бұл ретте басыңызды еден деңгейінен кемінде 30 см қашықтықта ұстаңыз, оның үстінде көміртегі оксидімен бірге ауыр улы газ тәрізді жану өнімдері орналасуы мүмкін.
Өртке тосқауыл қою үшін артта қалған есіктерді жабыңыз. Есік жанудың таралуын 10-нан 15 минутқа дейін кешіктіруі мүмкін!
