421
Елімізде бала саны бойынша көш басын Түркістан облысы бастап отыр. Мұндай деректі Ұлттық статистика бюросы ұсынды.
Бүгінде Қазақстанда 16 жасқа дейін 6 млн 162 мың бала бар. Оның 51,4% ұлдар болса, 48,6% – қыздар. Қалалық жерлерде 3 млн 664 мың бала тұрса, ауылдық жерлерде – 2 млн 497 мың бала бар.
Өңірлер бөлінісінде балалардың ең көп саны Түркістан облысында – 836 мың, одан кейін Алматы қаласы және Алматы облысы, сәйкесінше 592 мың және 498 мың баладан.
