Талай айдан бері жыр болған Бишімбаевтың ісіне нүкте қойылды. Бүгін оған қатысты сот отырысы аяқталып, 24 жылға бас бостандығынан айырылды. Ол “азаптау” және “кісі өлтіру” баптары бойынша кінәлі деп танылды.
Яғни, экс-министр Бишімбаев Қылмыстық кодекстің 110-бабы 2-бөлігі 1-тармағы (қинау) бойынша кінәлі деп танылды. Бұл бап бойынша 7 жылға бас бостандығынан айырылды. Ол сондай-ақ Қылмыстық кодекстің 99-бабы 2-бөлігі 5-тармағы (аса қатыгездікпен адам өлтіру) бойынша кінәлі деп танылды. Бұл бап бойынша 20 жылға бас бостандығынан айырылды.
Ал, екінші айыпталушы Бақытжан Байжанов 4 жылға сотталды. Ол, жазасын қауіпсіздігі орташа колонияда өтейді. Ол қылмысты жасырғаны үшін кінәлі деп танылды.
Айта кетейік, Бишімбаев мерзімінен бұрын босап шығу туралы өтінішті 2040 жылы ғана бере алады.
