2025 жылы қазақстандықтарға бала тууына және бала күтіміне байланысты 153 млрд теңгеден астам сомаға жәрдемақы төленді деп хабарлады ҚР Еңбек және халықты әлеуметтік қорғау министрлігі.
Нақтырақ айтар болсақ, бала туғанда берілетін жәрдемақыны 2025 жылдың басынан бастап республикалық бюджеттен барлығы 11,2 млрд теңге сомаға 62 мың адам қамтылды, оның ішінде ақпан айында 5,1 млрд теңгеге 28,3 мың адам алды.
Ал, 1,5 жасқа толғанға дейін бала күтімі бойынша жәрдемақымен 7,2 млрд теңге сомасына орта есеппен 123 мың адам қамтылды, оның ішінде ақпан айында 3,6 млрд теңге сомасына 123,1 мың адам алды.
Аталған біржолғы төлемді жыл басынан бері жалпы сомасы 61,1 млрд теңгеге 43,4 мың адам алды, оның ішінде ақпан айында 27,8 млрд теңге сомасына 20,5 мың адам алды. Тағайындалған төлемнің орташа мөлшері екі айда 1 696 669 теңгені құрады.
2025 жылдың 2 айында бұл төлем 74,1 млрд теңгеге 44,9 мың адамға тағайындалды. Оның ішінде ақпан айында 36,9 млрд теңге сомасына 20,7 мың алушыға төлем тағайындалды. 2 айдағы төлемнің ай сайынғы орташа мөлшері 93 193 теңгені құрады.
Бала тууына арналған жәрдемақы мөлшері:
– бірінші, екінші, үшінші балаға – 38 АЕК немесе 149 416 теңге;
– төртінші және одан кейінгі балаларға – 63 АЕК немесе 247 716 теңге.
Бала 1,5 жасқа толғанға дейін оның күтіміне байланысты төленетін жәрдемақы ай сайын келесідей мөлшерде төленеді:
– бірінші балаға – 5,76 АЕК немесе 22 648 теңге;
– екінші балаға – 6,81 АЕК немесе 26 777 теңге;
– үшінші балаға – 7,85 АЕК немесе 30 866 теңге;
