Еліміздегі халық саны 19 млн 879 мың адам болды. Мұндай мәліметті Ұлттық статистика бюросындағылар ұсынды.
Статистикалық дерекке сүйенсек, жалпы халықтың 61,9 пайызы немесе 1 2 297 100 адам қалада тұрады. Ал 38,14 пайызы немесе 7 581900 адам ауыл тұрғындары.
2023 жылғы қаңтар-мамырда Қазақстанға келгендер саны 2022 жылғы қаңтар-мамырмен салыстырғанда 91,8 пайызға артқан. Ал елден кеткендер саны 45 пайызға азайды.
Еліміздегі негізгі көші-қон алмасуы ТМД мемлекеттерімен өтуде.
ТМД елдерінен келгендердің және сол елдерге кеткендердің үлесі – 89,5 және тиісінше 72,1 пайызды құрады.
Ел ішінде қоныс аударатын көшіп-қонушылар саны 2,6 пайызға азайды.
Өңіраралық қоныс аудару бойынша халық көші-қонының оң көрсеткіші еліміздің 3 мегаполисінде байқалды. Олар: Алматы (12 145 адам), Астана (11 424 адам) және Шымкент (571 адам).
