253
Қызылордада кәріз станциясында жұмыс істеп жүрген екі жұмысшы уланып көз жұмды. Оқиға, бүгін 15 қыркүйекте облыс орталығындағы Қыдыров пен Нұрмақов көшелерінің бойында орын алған.
Облыстық Төтенше жағдайлар департаментіндегілердің мәліметінше, жұмысшылардың бірінің жасы 65-те, екіншісі 54 жаста.
«Оқиға орнына барғанда кәріз станциясында тереңдігі 2 метрге жуық шайынды судың толтырылғаны анықталды. Онда 1957 және 1968 жылғы азаматтардың белгісіз жағдайда газдан уланып, көз жұмғаны белгілі болды. «Қызылорда су жүйесі» мекемесінде жұмыс істейтін екі адамның жеке қорғаныс құралдары болмаған. Оқиға орнында жедел құтқару жасағынан 1 техникамен 5 құтқарушы барды. Мамандардың күшімен мәйіттер сыртқа шығарылды», – делінген төтеншеліктер мәліметінде.
